Барааны тайлбар:

Дүнчүүр оддын тэндээс /Т. Амардаваа/

Хар багадаа бүтэн өнчирч, томчуудын тоглоомоор гурван тийш салсан ах дүү гурвын уярам тавилан. Санаанд багтамгүй олон хэцүү зовлон бэрхшээлийг туулах ууган ах нь баян айлд өсч, жаргалд ташууран замаа алдсан сайд дүү болоод гаднаа үзэсгэлэнтэй хөөрхөн ч хорвоогийн гай түйтгэр бүхнийг ойроос харсаар дотроо хөө шиг хар санаатан болсон охин дүү хоёроо аврахаар тэмцэнэ.
Нэгэн айлын гурван хүүхдийн эгэлгүй тавилан, адал явдал, хайр дурлал, гэмт хэргийн эцэс төгсгөлгүй хөврөх сүлжээ, энгийн хүний нүдэнд үл үзэгдэх зэргэлдээ ертөнц, сүнс, албин чөтгөр, шинжлэх ухааны буруу тийшээ хийх үсрэлт, дүнчүүр оддын тэндээс бидний дотоод сэтгэлд их гэрэл гэгээ тусгах Чингис хааны шинэ, сонирхолтой түүх, хүмүүн төрөлхтнийг аварсан монголчуудын гавьяа гээд энэ бүгдийн талаар уншигч та “Дүнчүүр оддын тэндээс” бүтээлээс уншаарай.

#1005